सर्व नवरा बायकोस वटपौर्णिमेच्या खूप खूप शुभेच्छा 😀💐आजचा सण आनंदात जाण्यासाठी प्रा. विजय पोहनेरकर यांची विनोदी , खुसखुशीत कविता !😀 वटपौर्णिमेनिमित्त विनोदी कविता - वड म्हणला बाई तुला, दोन्ही हात जोडले.....
*एक बाई लगबगीनं*
*पूजे साठी आली*
*भक्ती भावाने वडाला*
*चकरा मारू लागली*
*वड देवा वड देवा*
*पूजा पदरात घे*
*जन्मोजन्मी पुन्हा मला*
*हाच पती दे*
*आश्चर्याने वडाने विचारलं*
*हाच नवरा पाहिजे ?*
*काहीही म्हण बाई तुला*
*खरंच मानलं पाहिजे*
*काय करणार वडदादा*
*खूप विचार केला*
*हाच नवरा राहूदे म्हणून*
*आतून आवाज आला* 😀
*एवढे दुर्गुण असून सुद्धा*
*त्याचीच निवड केली*
*म्हणून माय मला तुझी*
*खूपच दया आली*
*वडदेवा वडदेवा*
*तसं काहीच नाही*
*असं नाही की आमचं*
*बिल्कुलच पटत नाही* 😀
*दुसरा नवरा मागायचा*
*मी ही विचार केला*
*पण कल्पनेनंच माझा जीव*
*कासावीस झाला* 😀
*जास्तच बिलिंदर निघाल्यावर*
*मग काय करायचं*
*म्हणून म्हणलं याच्यासाठीच*
*वडाभोवती फिरायचं*😀
*तुम्हाला तर माहितीय देवा*
*मी ही कमी नाही*
*बिचाऱ्याचा डोक्याला*
*केस ठेवला नाही* 😀
*अधून मधून गुर्रगुर्र करतं*
*मी थोडंच ऐकते*
*एका कानांन ऐकूण*
*दुसऱ्याने सोडून देते* 😀
*माझी आई मला म्हणली*
*नवरा बदलायचा नाही*
*एवढा बावळट माणूस तुला*
*कधीच मिळायचा नाही* 😜
*तुम्हीच सांगा वड दादा*
*आईचं मन मोडू का ?*
*नशिबाने मिळालेलं*
*चांगलं माणूस सोडू का ?*😜
*वयोवृद्ध झाडाने पण*
*गडगडाटी हास्य केले*
*वड म्हणला बाई तुला*
*दोन्ही हात जोडले* 😜
*न विसरता दरवर्षी*
*पूजेसाठी येत जा*
*झाडासाठी आयुष्यातला*
*थोडा वेळ देत जा*
*कवी : प्रा. विजय पोहनेरकर*
साभार - WhatsApp