विनोदी कविता - निंबोणीच्या झाडामागे, सेल्फी घेतला गं बाई
निंबोणीच्या झाडामागे
सेल्फी घेतला गं बाई
आज माझ्या फोटोला या
लाईक्स का गं येत नाही ?
लाज दाबली ओठात
मान मुरडून पाही
एकाच या फोटोमध्ये
लपल्यात जाईजुई
नीट पाकळ्या डोळ्यांच्या
'ॲप'ने केल्या गं बाई
आज माझ्या फोटोला या
लाईक्स का गं येत नाही ?
मेकअपचा व्याप सारा
ॲप सांभाळतो बाई
चेहऱ्याला निरागस
भाव मात्र देत नाही
मेहनत माझी कुणी
लक्षात का घेत नाही
आज माझ्या फोटोला या
लाईक्स का गं येत नाही ?
वेळ चुकली का माझी
फोटो पोस्ट करण्याची ?
किंवा माझे फाॅलोअर्स
कंटाळले का एकाएकी
फेसबुक अल्गोरिदम
कोळून प्यायले मीही
पाहतेच आता कसे 8
लाईक्स कमेंट्स येत नाही.
निंबोणीच्या झाडामागे
सेल्फी घेतला गं बाई
आज माझ्या फोटोला या
लाईक्स का गं येत नाही.......!
( व्हाॅट्सअप साभार)
